How di raass crime and violence fi go dung inna da country yah if so much pussyhole live yah? You a provide a service and because dem put 20 cent pon gas, you put $1000 pon yuh service charge and at the same time a tell yuh employee dem say u haffi go cut cost. Real pussyhole behaviour.
You dun a mek a profit. Things gone up, you nuh want nutten cut inna da profit deh so u cut back ppl pay or cut staff so dat u can still arite. Is like u a try mek as much as u can and cut.
Bloodclaat bwoy. Mi never see a set a ppl with such a fuck up mentality nuh weh else inna di world a bumboclaat. School fee raise september gone by 4 grand, ppl pay it, by january it raise by 6 grand ppl pay it, now dem a put on 12 fuckin thousand and a say "this is regrettable and unfortunate but due to the climb in gas prices and failin economy and teacher's gettin an increase in salary, they saw it fit". Weh di bumboclaat yuh mean by "saw it fit"? A oonu same bumbohole drive man fi rob bloodclaat ppl cuz nuh matter how hard him try, oonu milk every dollar and mek man feel wutliss. Ppl like oonu mi nuh sorry fah when man dig oonu dung a road and tek weh oonu money and car.
And when ppl ccomplain bout how oon behave, the firs ting oonu bawl out, "well u have the option to move ur child to a primary school". Oonu try hold dung ppl like some real crab inna barrel. Fi oonu pocket haffi stay fat and di same man weh help u reach weh u deh a dead fi hungry. Fi oonu idea or being smart is fuckin up somebody else life so u can cris.
Right now, mi lie dung inna mi bed still. Mi sure seh work start aready but di amount a bloodclaat emotion a run thru mi head mi cyaa even move a raassclaat
Wait, oonu a go get fi oonu own man. Time will bloodclaat tell
--written May 26, 2009
Kavon McKenzie Copyright 2010
